И вториот македонски претставник во БИБЛ-лигата, ТФТ без победа ја завршува втората фаза во ова натпреварување. На последниот меч, на домашен терен избраниците на Боро Смилковски беа убедливо совладани од Гилбоа со 71-105 на последната средба.
Со четвртиот пораз, ТФТ е единствен во својата група со ваков скор и последен на табелата.
Кошаркарите на македонскиот тим до средината на втората четвртина беа рамноправен противник, гостит со серија од 2-13 поведоа со 32-43 и до крај не дозволија пресврт.
Херис со 14 поени и Смит со 12 поени и 11 скока беа нешто подобри од останатите. По завршување на обврските во ова натпреварување, ТФТ целосно се насочува кон Првата лига.
