Фудбалерите на Еврртон се посрамотија на домашен терен во последниот неделен натпревар од 36. коло во Премиер лигата, откако загубија од испаднатиот Шефилд Јунајтед со 1:0.
Голот постигнат во седмата минута од натпреварот на Даниел Џебисон, 17-годишник во редовите на тимот што следната сезона се сели во Чемпионшип, беше доволен за победа на Шефилд.
Со 17 години и 309 дена, тој е најмладиот играч во историјата на Премиер лигата кој постигнал гол на своето деби.
На две кола пред крајот на сезоната, Евертон е на осмото место со 56 бода и е на пат да остане без европски пласман. Со овој пораз, „карамелите“ дојдоа до 9 порази на домашен терен сезонава, антирекорд последен пат забележан во сезоната 1993/94.
