Последниот ден од регуларниот дел од сезоната во НБА кошаркарската лига, практично, целосно ги распореди тимовите по парови за првата рунда од плеј-офот. Лука Дончиќ и тимот на Далас претрпеа тежок пораз на гостувањето кај Минесота (121:136), но сепак го задржа петтото место во Западната конференција со што нема да мора да играат плеј-ин за влез во официјалното разигрување.
Во првата рунда од плеј-офот, Далас исто како и минатата година, ќе се сретне со Лос Анџелес Клиперс кој финишираше на четвртата позиција. Денвер сепак го освои третото место на Западот и со тоа во првата рунда од плеј-офот ќе се сретне со Портланд, од кого, интересно, загуби синоќа во последниот меч од регуларниот дел од сезоната со 116:132 на гостински терен.
Бруклин славеше над Кливленд со 123:109, но на крајот остана на второто место во Истокот. Нетс му го препуштија врвот на тимот на Филаделфија која синоќа си обезбеди победа над екипата на Орландо.
НБА РЕЗУЛТАТИ:
Њујорк – Бостон 96:92
Торонто – Индијана 113:125
Вашингтон – Шарлот 115:110
Сан Антонио – Феникс 121:123
Голден Стејт – Мемфис 113:101
Атланта – Хјустон 124: 95
Бруклин – Кливленд 123:109
Филаделфија – Орландо 128:117
Детроит – Мајами 107:120
Чикаго – Милвоки 118:112
Минесота – Далас 136:121
Њу Орлеанс – ЛА Лејкерс 98:110
Оклахома – ЛА Клиперс 117:112
Портланд – Денвер 132:116
Сакраменто Кингс – Јута 99:121
