Првиот човек на Реал Мадрид Флорентино Перез веќе го нашол наследникот на Зинедин Зидан на клупата на славниот клуб од Мадрид. Без разлика што ќе направат „кралевите“ до крајот на сезоната во Ла Лига францускиот стратег ќе си замине.
Според италијанскиот весник „Газета дело Спорт“ Перез веќе има адут за наследник на Зидан. Тоа е италијанскиот тренер и поранешен стратег на Милан и Јувентус Масимилијано Алегри. Флорентино е спремен да му даде на Италијанецот двегодишен договор и плата од 10 милиони евра по сезона. Исто така има опција за продолжување на истиот за уште една година во случај на добри резултати и трофеи.
Пред неколку денови и Раул беше споменуван за можен наследник на Зидан, но Перез нема доверба во поранешниот напаѓач, барем не во овој момент.
Алегри има добро педигре. Ја освојуваше Серија А со Милан и со Јувентус. Со „росонерите“ беше првак во 2010/11 со Јувентус освои пет титули во периодот од 2014 до 2019 и два пати играше финале во ЛШ во 2015 и 2017 година.
