Тимот на Шкупи останува без еден од голманите кои во изминатиот период го носеа дресот на тимот од Чаир.
Игор Алексовски и официјално си замина од Шкупи, откако му истече актуелниот договор. Тој и онака подолг период не е меѓу диреците, со оглед на фактот што се враќа од повредата на коленото, а на голот на Шкупи е Кристијан Наумовски.
Алексовски пристигна во Шкупи во 2018 година од Вардар, а претходно беше дел од тимот на Македонија ЃП.
Тоа е голманот со кој Македонија го оствари првиот голем репрезентативен успех, со пласманот на младинското европско првенство во Полска.
