Одлуката за тоа дали ова лето ќе се одржат Олимписките игри во Токио треба да се донесе пред крајот на јуни. Ова го потврдил Дик Паунд, еден од најдолговечните членови на Меѓународниот олимписки комитет, во онлајн интервју за јапонската национална новинска агенција.
„Пред крајот на јуни, навистина треба да се знае се. Прашањето е ќе има или нема воопшто да се одржат Игрите во Токио“, изјавил Паунд.
Тој дополнил дека нема опција за понатамошно одложување на игрите, затоа што по едногодишно одложување поради пандемијата со КОВИД-19 веќе нема простор за презакажување.
„Овие Игри или ќе се одржат сега, или се откажуваат. Трошоците за понатамошно одложување, што би паднале на Јапонија, би биле значителни и тоа никој нема да го прифати“, рекол Паунд.
