Македонската одбојкарска репрезентација запиша убедлива победа над Кипар на денешниот меч што се одигра во рамките на Сребрената лига во Струмица. Македонија славеше со 3-0 или по сетови 25-21, 25-21 и 21-19.
Најдобар кај поентерите беше Никола Ѓорѓиев со 19 поени, Љафтов додаде 12, Милев имаше седум, Николов заврши со пет, Манџуков запиша четири, два имаше Ѓорѓи Ѓорѓиев и еден поен Савовски. Кај Кипар, единствен играч со двоцифрен учинок беше Сиапанис со 17 поени.
Во првиот меч одигран денеска, селекцијата на Данска во пет сета славеше над Израел со 3:2 (21-25, 26-24, 17-25, 26-24, 15-12). Израелците двапати водеа, но Данска имаше одличен финиш и во петтиот сет успеа да направи серија која ги доведе до стартна победа.
Во второто коло кое е на програмата утре, Данска и Кипар ќе играат од 17 часот, додека Македонија од 20 часот се среќава со Израел.
