Foto: Twitter/Genoa
Џенова славеше на гостувањето на Сардинија против Каљари со 1:0 во последното 38. коло од Серија А. Стрелец на голот е узбекистанскиот напаѓач Елдор Шомуродов во 15. минута. Македонскиот великан Горан Пандев играше до 57. минута кога беше заменет од Миха Зајц. Тоа можеби се последните минути за капитенот во клупската кариера.
Парма со убедлив пораз од 3:0 на гости кај Сампдорија се збогува од елитата. „Морнарите“ славеа со головите на Кваљарела, Којли и Габијадини.
Во третиот денешен меч Кротоне и Фиорентина одиграа без голови. Кротоне заедно со Парма и Беневенто ја напуштаат најсилната италијанска лига.
Утре ќе биде разврската околу учесниците во европските купови.
