Предраг Мијатовиќ во интервју за „El Larguero“ го коментираше финишот на сезоната во Ла Лига, но и многу други теми.
Некогашниот фудбалер на Реал Мадрид зборуваше за случувањата во клубот, но имаше што да каже за Еден Азар, кој се покажа како промашување.
„Вознемирувачки е дека не сака да игра натпревари кои ја одлучуваат цела сезона. Тој и натаму мисли дека ЕУРО со Белгија е поважно од Ла Лига. Да не заборави дека зема пари од Реал Мадрид“, рече Мијатовиќ.
Не е Азар единствениот проблем на Реал. Зад мадридскиот тим е турбулетна сезона која би можела да заврши со заминување на Зинедин Зидан.
„Зодан направи добра работа, кој и да дојде на негово место ќе има тешка задача, но јас би сакал да остане и следнатас езона да го гледаме на клупата на Реал. Не очекував дека Реал на крајот на сезоната ќе биде вака добар. Мадристите можат да бидат среќни, во секој случај ова е добра сезона“.
