Најголемите клубови во Европа поради пандемијата со коронавирусот ќе изгубат повеќе од 8 милијарди евра. Ова е извештај на УЕФА, а веста ја пренесува Ројтерс. Јасно е дека клубовите се во тешка криза, дека ништо веќе нема да биде како порано, барем не во блиска иднина. Можеби затоа Реал, Барса, Јуве и останатите сакаа Суперлига.
Инаку во извештајот стои дека четири милијарди евра е загубено поради непродавање на влезници, 2,7 милијарди од губење на спознорски договори, а 1,4 милијарди по други основи.
Ова се премногу пари и ретко кој во фудбалот, па и во УЕФА може да каже како би се вратиле сите силни милијарди евра кои се загубени.
Големите загуби се одразија и на зимскиот преоден рок, имено имаше 56% помалку трансфери од минатата година.
Во извештајот на УЕФА се споменува и Суперлигата, која според Европската куќа на фудбалот би имала лошо влијание на европскиот фудбал на спортски, емоционален и финансиски план.
