Следната сезона ќе започне сосема новотo клупско натпреварување на УЕФА – Конференциската лига. Тимовите учесници ќе играат за нов трофеј, кој УЕФА денеска и официјално го престави во јавноста.
Станува збор за пехар висок 57,5 сантиметри и тежок 11 килограми. Трофејот кој ќе го добие најдобриот во ова трето европско клупско натпреварување се состои од 32 шестоаголни форми, по една за секоја екипа во групната фаза на натпреварувањето, извртени и закривени од основата на трофејот.
„Закривената форма на ‘рбетниот столб беше инспирирана од летот на фудбалската топка додека се движи кон голот – крајниот момент на оптимизам за навивачите“, велат од УЕФА.
Основата и горниот дел се изработени од месинг, со мат ефект од галвански челик, додека формите имаат сјајна завршна обработка со сребро.
Натпреварите од Конференциската лига ќе се играат во четврток, исто како и Лигата на Европа.
🏆 A new member of the family for 2021/22 – introducing the new UEFA Europa Conference League trophy.
Standing 57.5cm tall and weighing 11kg, the trophy consists of 32 hexagonal spines twisting and curving from the trophy base.
— UEFA (@UEFA) May 24, 2021
