Владата вечерва на седница донесе одлука пријателскиот фудбалски натпревар на Македонија со Словенија на 1 јуни да се игра со публика.
Македонските фанови ќе можат лично да ги испратат нашите најдобри фудбалери на ЕП во Романија и Холандија.
Владата дозволи присуство на навивачи и на двата контролни меча и тоа во границите на 30% од вкупниот капацитет на Националната Арена. Тоа значи дека по околу 10.200 гледачи ќе можат да присуствуваат на мечот со Словенија.
За дополнителни олеснувања за другите натпревари ќе се разговара на следната седница на Владата.
Тоа ќе биде одлична шанса за нашите навивачи да им ја дадат својата голема поддршка на нашите херои кои во Букурешт и Амстердам ќе дебитираат со настапите на континенталните шампионати.
