Денвер го врати „брејкот“ на гостувањето кај Портланд славеше со 120-115 и поведе со 2-1 во плеј-оф серијата. Нагетси до победата дојдоа во луд финиш. Со тројката на Лилард на 3,5 секунди до крајот, Портланд имаше шанса за продолжение.
Планот беше Морис да ги промаши двете слободни фрлања, а потоа со тројка да изедначат. Еден дел се исполни, Морис ги промаши двата пенала, но под обрачот добро се снајде Никола Јокиќ, кој стави точка на оваа средба.
NIKOLA JOKIC CAPS HIS 36-POINT NIGHT WITH THE GAME-SEALING TIP-IN!#MileHighBasketball #NBAPlayoffs pic.twitter.com/vKrJyGhd7L
— NBA (@NBA) May 28, 2021
Српскиот репрезентативец одново блескаше, зад своето име запиша дабл-дабл од 36 поени и 11 скока, а додаде уште пет асистенции. На другата страна, Лилард постигна 37 поени и пет асистенции.
И ЛА Лејкерси поведоа во плеј-оф серијата, го совладаа Феникс со 109-95. Ентони Дејвис со 34 поени и 11 скока го предводеше актуелниот првак, Леброн Џејмс имаше 21 поен, шест скока и 9 асистенции.
Мајами е пред „метла“, Милвоки ги совлада со 113-84 и дојде до 3-0 во меѓусебните пресметки.
ФОТО: nba/twitter
