Е. Пелистер и ППД Загреб нема да го одиграат својот натпревар од шестото коло на групата А на СЕХА-лигата, ниту во вториот закажан термин.
Комесарот за натпревари во СЕХА лигата, Марјан Начевски одлучи овој натпревар да биде регистриран со резултат 5-5 и двете екипи да добијат по еден бод. Натрупаниот распоред во шампионатите на Македонија и Хрватска е причината за ваквата одлука на менаџментот на лигата.
Со оваа поделба на бодовите, извесно е дека ППД Загреб ќе го освои првото, а Е.Пелистер второто место во групата. Битоласкиот тим во август во четвртфиналето ќе се сретне со белорускиот првак Мешков Брест, а ППД Загреб го чека победникот од осминафиналето меѓу Вардар и Металопластика.
