Фудбалската репрезентација на Австрија ќе мора без Марко Арнаутовиќ на тест-мечот во среда во Мидлсборо против Англија. Тимскиот лекар Михаел Фидлер денеска за австриските медиуми потврди дека Арнаутовиќ има болки во мускулот на десниот бут, повреда што ја претрпе пред неколку недели, и не смее да игра.
„Ние сериозно ја сфаќаме неговата повреда на мускулот и сме на добар пат да ја средиме до ЕП“, изјавил Фидлер.
Арнаутовиќ би можел да игра против Словачка на последниот тест пред Европското првенство на 6 јуни во Виена.
Исто така, Карим Онисиво не се знае дали ќе игра на оваа средба. Фудбалерот на германски Мајнц го прекинал денешниот тренинг поради болка во коленото.
