Платата на Серхио Агуеро во Барселона ќе биде скоро 4 пати помала од онаа која ја добиваше додека го носеше дресот на Манчестер Сити, открива Мундо Депортиво.
Напаѓачот ќе добива 6 милиони евра годишно за време на неговиот 2-годишен престој на „Камп Ноу“. Додека го носеше дресот на „граѓаните“, тој инкасираше по 23 милиони евра од сезона.
Агуеро имаше далеку попривлечна понуда од Јувентус, но ја одбра Барса заради пријателството со Лионел Меси. Сепак, неговиот договор вклучува и значителни бонуси за голови, победи и трофеи.
