Англискиот портал „GiveMeSport“ тврди дека Македонија не само што нема шанси да ја мине групата на Европското првенство ова лето, туку сигурно ќе биде на последното место зад Австија, Украина и Холандија.
Според прогнозите на англиските новинари, Македонија ќе биде најслабопласирана во групата „Ц“, а останатите селекции кои ќе бидат последни во преостанатите пет групи се Швајцарија, Финска, Чешка, Словачка и Унгарија.
Сепак, во анализата дополнително се вели дека Македонија, сепак, не е без шанси на средбите со Австрија и Украина, додека против Холандија однапред не отпишаа. Ова е уште еден мотив и предизвик за нашите момци да се покажат во многу поинакво светло на ова ЕП од она кое го очекуваат останатите земји учеснички на првенството на Стариот континент.
