Новите дресови на украинската фудбалска репрезентација со мапа на анексираниот Крим од Русија предизвикаа остри реакции во Русија.
Украина ги покажа своите нови дресови за Еуро 2020, украсени со мапата на земјата, која го вклучува и полуостровот Крим, а на нив се наоѓа и натписот „Слава на Украина!“
Слоганот „Слава на Украина!“ беше скандиран од демонстрантите кои го принудија прорускиот претседател Виктор Јанукович да си даде оставка.
„Веруваме дека мапата на Украина ќе им даде сила на нашите играчи, бидејќи тие ќе се борат за сите Украинци“, изјавија од националната федерација.
