Повредата на Трет Александер го принуди англискиот селектор Герет Саутгејт да повика негова замена. Изборот падна на централниот бек на Брајтон, Бен Вајт кој патува на Европско првенство. Вајт, е малку познат фудбалер за нас со оглед дека ретко кој гледа натпревари на Брајтон во Премиер лигата. Но ова 23-годишно момче, досега запиша само два настапи и двата оваа година – пријателски против Австрија и против Романија.
Вајт ја почна кариерата во младинската школа на Саутемптон, но бил отфрлен од таму. Клубот не сакал да го задржи, па мајката на Бен „потегнала“ врски по клубовите да го запише својот син. Брајтон излегол во пресрет. Во 2014 година Вајт влегува во школата на овој клуб од југот на Англија.
🎙Ben White 🏴 on fighting back from being rejected by Southampton when he was 16: “The day I got released, I spoke to my mum about it and she got on the phone to different clubs and managed to get me some trials.” [@footballdaily] #BHAFC #ENG
— RouteOneFootball (@Route1futbol) June 8, 2021
По две години во младинските категории дошло време за прекомандување во А тимот. Но Брајтон одлучиле да го позајмат и тоа во четвртолигашот Њупорт Каунти за сезоната 2017/18. Наредната година кратка позајмица во Питерборо, па уште една сезона во Лидс Јунајтед (2019/20).
За првиот тим на Брајтон заигра дури оваа сезона – одигра 36 натпревари во Премиер лигата, а вкупно 39 во цела сезона. Раководството и тренерите на клубот, конечно, се уверија во неговите квалитети. Неговиот потенцијал го забележа и Герет Саутгејт кој го повика во англискиот национален тим. Сега се отвори и вратата за ЕП. Бен Вајт се најде во ростерот. Ќе видиме како понатаму…
Our #EURO2020 squad is complete.
Well done, @ben6white! 👊
— England (@England) June 7, 2021
