Екипата на Металург продолжува со создавање на тимот за новата сезона во која одново ќе има европски обврски. Откако раководството на клубот ја продолжи соработката со Златко Хорват и стратегот Иван Марковски, а ги донесе и близнаците Њокас, денеска завери две имиња.
На голот на тимот од Автокоманда останува Даниел Дупјачанец. Капитенот поптиша две годишна соработка, тој во Металург дојде во 2019 година.
Повратиник во редовите на Металург е Костадин Петров, кој се враќа по три сезони. Играше по една година во шпанската Гвадалахара и во романската Сучеава. Тој заедно Милан Лазаревски и Андреј Митиќ ќе биде задолжен за пивотменската позиција. И тој потпиша двегодишен договор.
