Foto> Twitter
Со двата гола вечерва против Русија, напаѓачот на Белгија Ромелу Лукаку го подобри својот голгетерски рекорд во дресот на „Црвените ѓаволи“. Лукаку и пред овој меч беше број 1 на вечната листа на стрелци во белгиската репрезентација, а по мечот од 1. коло на ЕП има 61 гол во 92 натпревари.
И не само тоа, од нив 22 Лукаку ги постигна на последните 19 натпревари за националниот тим. Освен тоа, напаѓачот на Интер сега има голови на четири по ред големи натпреварувања, СП 2014, ЕП 2016, СП 2018 и ЕП 2020.
На вечната листа на голгетери во Белгија Еден Азар е втор кој има „само“ 32 гола и се уште е активен фудбалер. Третото место го делат Бернард Ворхоф и Пол Ван Химст со по 30 гола.
