Барселона е новиот освојувач на титулата во Лигата на шампиони. Каталонскиот гигант после шест години одново го подигна пехарот, вкупно десетти во својата историја. Во финалето ракометарите на шпанскиот тим беше подобар и тоа убедливо од Алборг со 36-23.
Стратегот на Барса, Чави Пасквал не можеше да посака поубав крај, си заминува со титулата.
Алборг не успеа да одигра еднаков меч како во полуфиналето, противникот не му остави простор за тоа, по првото полувреме имаше позитива од 16-11, до крајот без проблем, рутински го приведе дуелот.
