Букурешт, фудбал, репрезентација. Тоа е оската која ги поврзува едно лице – Даниел Георгиевски.
Георгиевски беше во Стеауа во моментите кога Националната Арена во Букурешт беше штотуку отворена. Тој најдобро знае како е да се игра на тој стадион.
„Јас кога играв во Стеауа, тој стадион беше нов. Се затвора покривот по потреба. Навистина се прави одлична атмосфера. Лошо е што нема да биде полн до крај, но и вака верувам дека Македонија ќе има одлична атмосфера“, рече Георгиевски за „Спортмедиа“ кој две години беше дел од Стеауа и одигра многу мечеви на тој стадион.
Тој е убеден дека оние неутралните гледачи ќе навиваат за Македонија.
„Романците ќе навиваат за Македонија. И покрај тоа што нема да биде полн стадион поради пандемијата, атмосферата ќе биде добра. Верувам дека Македонија ќе има силна поддршка“, рече Георгиевски.
Кажа и за очекувањата за дуелот.
„Австријците играат фудбал со многу дуели. Македонија ја очекува тешка борба, но очигледно дека атмосферата е одлична. Со дел од тие играчи сум играл и во младинската селекција и во сениорската. Верувам дека ќе победат во оваа борба и дека ќе ги освојат бодовите. Навивам за нив!“, вели десниот бек кој за националниот тим на Македонија одигра 22 меча.
