Елиф Елмас, македонскиот репрезентативец после натпреварот кажа дека ова било добра лекција за Македонија, и се надева дека ќе помогне за следните два натпревари.
„Одигравме прво полувреме добро, и сега почувствуваме колку е тешко да се игра на ЕП. Ова е голема лекција, имаме уште натпревари, не е ништо загубено.Во вториот дел имавме некои шанси, но тоа се секунди кои треба да се реализираат. Австрија играше брзо, брзо стигнуваа до нашиот гол. Ова е голема лекција, се надевам дека ја научиме, и сега на другите мечеви ќе излеземе со поголема самодоверба. Ова беше нас прв меч, имавме малку и трема, но како одминуваше натпреварот тоа исчезнуваше“, вели Елмас.
Тој рече дека сега следува дуелот со Украина и да се направи добра анализа.
„Не погледнавме ништо од Украина, сега треба со мирни глави ќе размислуваме. Не е ништо загубено, јас се надевам позитивни резултати, од ова научивме доста, и сега останува да одиме на добри резултати“, рече македонскиот репрезентативец.
