Холандија во следните два меча во нашата група ќе биде посилна за Матијс де Лихт. Младиот играч денеска го одработи целиот тренинг со својата репрезентација, па според информациите кои доаѓаат, тој ќе биде подготвен за дуелите со Австрија (17. јуни) и против Македонија (21. јуни).
Де Лихт не беше во составот на Холандија на мечот со Украина, кој заврши во корист на „лалиањата“ со 3-2. Но, селекторот Франк де Бур ќе може да смета на неговите услуги во продолжение на ЕУРО.
