Познати се можните ривали на другите наши учесници во Европа, Струга ТЉ, Силекс и Шкупи во Конференциската лига. Шкупи е носител и за ривал во 1. квалификациско коло ќе добие еден од Сфинтул Џорџ од Молдавија, Динамо Батуми од Грузија, Љапи од Косово и Урарту од Ерменија.
Дебитантот Струга Трим Љум е неносител и за ривал ќе добие една од овие екипи: Рунавик од Фарски Острови, Липаја од Летонија, Спартак Трнава од Словачка, Дандалк од Ирска и Бридаблик од Исланд.
Силекс исто така е неносител, а најсилен ривал во оваа група е унгарски Фехервар за кого игра македонскиот репрезентативец Висар Муслиу. Покрај унгарскиот тим, можни ривали се Сутјеска од Црна Гора, Петрокуб од Молдавија, Широки Бријег од БиХ.
Ждрепката е утре во 13:00 часот.
