Каков гол, фантастичен гол на Патрик Шик, кога од половина терен го совлада домашниот голман за 2:0 во 52.минута. Дали го имаме најубавиот гол на ЕУРО 2020? Веројатно.
Инаку тоа беше меч од 1.коло во групата Д, на кој на „Хемпден парк“ стадионот во Глазгов, селекцијата на Чешка со 2:0 ја победи Шкотска пред нејзините фанови.
Секако дека во преден план беше Патрик Шик, тој е играч на мечот. Прво во 42.минута ја начна мрежата на голманот Маршал,а потоа го постигна и тој феноменален гол од половина терен. Шик имаше уште две големи шанси за хет-трик, но сепак мораше да се задоволи само со два погодоци, од кој вториот беше вистинска мајсторија.
Ова е голема победа за Чешка, посебна тежина му дава на овој триумф фактот дека е остварена на теренот на Шкотска.
Да кажеме и тоа дека во првиот меч од оваа група, вчера Англија ја победи Хрватска со 1:0.
