Познати се судиите кои ќе ја делат правдата на дуелот на македонската селекција со Украина.
Судијата Фернандо Андрес Рапалини од Аргентина ќе биде главен арбитар. Да, добро прочитавте, од Аргентина. Затоа што тој е единствениот судија кој е надвор од Европа на ова Европско првенство, што се случува за првпат во историјата.
Негови помошници ќе бидат Хуан Пабло Белати и Диего Бонфра. Четврт судија е Славко Винчиќ од Словенија. Делегат ќе биде Ротем Камер од Израел.
