Младиот Дарко Чурлинов, најмладиот дебитант во репрезентацијата, денеска на обраќањето кон новинарите изрази надеж дека ќе игра на следниот меч и дека е подготвен да помогне.
„Атмосферата е одлична, нормално е да има еуфорија. Концетрирани сме, секогаш сме на ниво, се надеваме дека така ќе остане. Подготвен сум да настапам, и да бидам добра помош на екипата, но дали ќе играм, тоа е одлука на селекторот“, изјави Чурлинов.
Тој кажа дека на секој меч мора да се влезе максимално концентрирано, и дека во последните 20 минути од дуелот со Австрија мора да се извлечат поуки.
„На Европско првенство секој натпревар е тежок. Не може да се каже предвреме како би било најдобро да играме, сето тоа се случува во тек на натпревар. Треба да влеземе 100% концентрирани и да дадеме се од себе, да бидеме Македонија како што бевме во минатитие натпревари. Австрија игравме одлично 70 минути, последните 20 минути не ги одигравме добро. Треба да веруваме во себе и да дадеме максимум на следниот натпревар. Да го добиеме мечот е важно, не е важно кој ќе даде гол. Ако можам јас да бидам тој, ако добијам шанса за да реализирам, нормално ќе дадам гол и ќе бидам многу среќен“, вели Чурлинов.
