Познат е конечниот расплет во групата „А“ на Европското првенство. Италија ја совлада и селекцијата на Велс со 1:0, и со седум дадени и без примен гол продолжува во 1/8 финалето со максимален број на бодови. Стрелец на голот беше Песина во 39. минута. Манчини се реши да им даде шанса на неколку резервни фудбалери, а одново „аѕурите“ ја сочуваа мрежата.
Швајцарија ја совлада Турција со 3:1, со убави голови. Сеферовиќ во раната фаза од мечот погоди, а до полувремето Шаќири постигна прекрасен гол за 2:0. Сепак, намали Кавечи со убав погодок, а потоа Шаќири по една супер акција донесе 3:1, но недоволно да се стигне до второто место на табелата, каде што е Велс кој има подобра гол разлика. Турција заврши без бодови. Швајцарија сега ќе ја чека разврската во другите групи за како третопласирана да оди во 1/8 финалето.
ГРУПА А
РЕЗУЛТАТИ 3. КОЛО
Италија – Велс 1:0
Швајцарија – Турција 3:1
ТАБЕЛА:
1. Италија 9
2. Велс 4
3. Швајцарија 4
4. Турција 0
