Повратникот во Премиер лигата, Норич Сити активно работи на засилувања на екипата за претстојната сезона со цел да го избегне она што им се случи претходно, кога влегоа во елитата и бргу испаднаа. Норич комплетираше уште две засилувања со што бројката на нови фудбалери се искачи на четворица.
Нов играч е крилниот напаѓач Милот Рашица кој дојде од Вердер. За косовскиот репрезентативец „канаринците“ платија 11 милиони евра. Новак е и голманот Ангус Ган кој доаѓа од Саутемптон и потшиша договор на четири години. За него се платени пет милиони евра која со бонуси може да достигне до седум милиони.
Инаку Ангус Ган е син на поранешниот фудбалер и менаџер на Норич, Брајан Ган.
Претходно во Норич дојдоа централниот бек на Барнли, Бен Гибсон за 10 милиони евра како и левиот бек на ПАОК, Димитриос Јанулис за 7,5 милиони евра.
Норич сака да го позајми талентираниот фудбалер на Челзи и шкотски репрезентативец, Били Гилмор кој беше прогласен за играч на мечот со Англија на ЕП.
