Првиот напаѓач на Манчестер Јунајтед, Маркус Рашфорд, ќе мора да оди на хируршка интервенција по завршувањето на Еуро 2020, со што ќе ризикува да го промаши почетокот на новата сезона во Премиер лигата.
Од ноември, тој игра со силни болки како резултат на истегнување на мускулот на левото рамо. Играчот ќе донесе одлука за операција на крајот на ЕП.
Доколку 23-годишникот замине на операција, би можел да го пропушти почетокот на сезоната во Премиер лигата, затоа што ќе му биде потребна пауза од најмалку 45 дена.
