Во пресрет на првата пријателска средба со Напредак Крушевац, која ќе се одигра на 30 јуни во Пехчево, фудбалерите на Работнички денеска одиграа меѓусебен пријателски натпревар. Шефот на струката Александар Влахо им даде шанса на сите свои играчи на кои смета во моментов, да покажат што знаат и колку можат во оваа фаза од подготовките.
Инаку познато е дека Работнички за следната сезона ќе има драстично подмладен состав. Досега си заминаа десет фудбалери, а клубот засега за засили само со три нови имиња.
