Италија вчера ја победи Австрија со 2:1 по продолженијата во осминафиналето на Еуро 2020, а младиот Федерико Киеза влезе во аналите на првенството на Стариот континент, но заедно со неговиот татко Енрико.
Имено, Федерико вчера го постигна првиот гол за „аѕурите“ во 95-та минута и благодарение на голот кој неговиот татко Енрико го постигна против Чешка на „Енфилд“ пред 25 години на Еуро 1996 година, семејството Киеза влезе во историјата на ЕП како први татко и син кои имаат постигнато гол на европско првенство.
