Организацискиот комитет на ЛОИ во Токио и официјално ќе дозволи 10.000 гледачи од Јапонија да присуствуваат на олимписките борилишта за време на Летните олимписки игри. Веста ја објави ББЦ, повикувајќи се на извори од јапонската организација.
Присуството на гледачи од странство е забрането, но организаторите објавија дека домашните гледачи ќе можат да присуствуваат на олимписките настани, но не повеќе од 50 отсто од капацитетот на гледалиштата. Како дел од протоколот за присуство на трибините ќе биде забрането викање и гласно зборување, а присутните цело време ќе мора да носат маски на лицето.
