Силекс се чини дека подготвен ќе ги дочека двата меча од 1.квалификациско коло во Конференциската лига против Молдавскиот Петрокуб. Посебно ако се смета денешниот пријателски меч во Охрид, и победата против Лачи, еден од најдобрите тимови во Албанија. Силексовци триумфираа со 1:0 а стрелец на победничкиот гол беше Дарко Алексовски – Пеле во 39.минута.
Ова беше втора пријателска за составот на стратегот Горазд Михаилов и прва победа. Пред неколку дена Силекс, исто во Охрид, загуби од албанскиот шампион, тимот на Теута со 0:1.
