Како што и беше најавено, од вчера експедицијата на Брегалница се пресели во Пехчево каде во извонредни услови ќе продолжи со одработување на подготовките за новата сезона во ПМФЛ, во која ќе настапува и штипската фудбалска гордост.
Во Пехчево “сините“ веќе го одработија првиот тренинг, а таму ќе тренираат десетина дена, потоа се селат на Златибор.
Инаку првиот првијателски меч, момците на стратегот Марјан Секуловски ќе го имаат на 3 јули, и тоа против составот на Борец од Велес. На Златибор пак ќе одиграат најмалку четири пријателски мечеви.
