Европската ракометна федерација ги објави шеширите пред ждрепката за новата сезона во Лигата на шампионите. Македонскиот шампион ќе биде дел од ждрепката, иако учеството засега е под знак прашалник, и е во вториот шешир. Оваа година има четири шешири со по четири екипи. Во вториот заедно со Вардар се Алборг, Келце и Порто.
Според правилникот Вардар ќе добие уште еден ривал од својата група и по два од другите. Ждрепката е на 2 јули.
Велиме неизвесно е учеството на Вардар во ЛШ затоа што е под истрага на ЕХФ поради промената на името и неисполнетите обврски на минатото раководство. Доколку не остави депозит од 1.000.000 евра ќе го изгуби своето место во ЛШ и место нив ќе игра словенечки Горење Велење.
