Селекторот на Италија, Роберто Манчини размислува да започне со Федерико Киеза наместо Доменико Берарди во пресметката со Белгија во четвртфиналето на Еуро 2020. Манчини работел со слична опција на последниот тренинг вчера, пренесува Скај Спорт Италија. Во групата стартери ова била единствената промена во споредба со тимот што го започна мечот со Австрија во 1/8-финалето.
Вклучувањето на Киеза меѓу стартерите нема да биде големо изненадување. Играчот на Јувентус имаше одлично влегување од клупата против Австрија постигнувајќи го првиот гол во продолжението.
