Ливерпул и Евертон се соседи, но не толку агресивни или жестоки како што е случај со другите градски ривали како Милан и Интер, Ривер и Бока, Спартак и Динамо од Москва, Тотенхем и Арсенал…
Но, не се случувало често некој тренер да работи и во едниот и во другиот клуб. Тоа се случи оваа година, поточно пред еден ден кога Рафаел Бенитез прифати да работи на „Гудисон Парк“ како менаџер на Евертон, а претходно долго време беше менаџер на Ливерпул.
Всушност, тој е само вториот менаџер во историјата кој работел и во едниот и во другиот клуб. Претходно такво нешто се случило пред 129 години. Вилијам Едвард Баркли работел како тренер на Евертон во 1888 година, а четири години подоцна станал тренер на Ливерпул.
Рафа презема голем ризик, но не очекува да биде остро критикуван или навредуван што после „Енфилд“ го одбрал „Гудисон“.
