Португалскиот стратег Витор Переира е новиот тренер на турскиот фудбалски гигант Фенербахче. „Жолто-сините“ одлучија повторно да се потпрат на тренерот кој ги раководеше во сезоната 2015/16 и сега објавија и наслов: „Недораскажаната приказна ќе има среќен крај“ алудирајќи дека Переира доаѓа да го доработи она што не успеа претходно, да ја освои титулата во Суперлигата.
Потпишан е двегодишен договор.
Переира во тренерската кариера има осум трофеи, од кои четири му се шампионски: со Шангај СИПГ, со Олимпијакос и два со Порто.
