Репрезентацијата на Данска се пласира во полуфиналето на ЕУРО 2020 откако денеска успеа да ја совлада Чешка со 2:1 на Олимпискиот стадион во Баку. Дилејни и Долберг погодија за Данска во првото полувреме, а на почетокот на второто полувреме Патрик Шик го намали резултатот. Чесите притиснаа во вториот дел меѓутоа не стигнаа до изедначување иако имаа солидни шанси за тоа. Нивниот пат завршува тука, а „Данскиот динамит“, европски шампион од 1992 година, продолжува во полуфиналето.
Ова е четврти пат во историјата Данска да игра полуфинале, а првпат по 1992 година кога беа шампиони. Претходно играа полуфинале на ЕУРО 1982 и ЕУРО 1964.
ПОЛУВРЕМЕ: Данците водат со 2:0 и се на чекор до полуфиналето на ЕП! (видео)
