МЗТ Скопје продолжува да го гради тимот за новата сезона, во која за задача ќе има да ја одбрани двојната круна во домашниот шампионат, но и одново да се обиде да се врати во АБА-лига.
Раководството на клубот на клупата го остави Дарко Радуловиќ, а нови договори потпишаа Крстевски и Мекиќ, договорен е Робев, се чека на Магдевски.
Во меѓувреме додека се созадава „костурот“ од домашни кошаркари, што пак е на прво место на овој тим, секако се бара квалитетно странско засилување. На радарот на МЗТ Скопје е Отис Ливингстон, кој го носеше дресот на Куманово.
Американецот и актуелниот првак првата рунда на преговори ја завршија неуспешно, па овој трансфер е ставен под знак прашалник.Нема да биде чудо доколку првите луѓе на клубот тргнат кон ново име.
