Италијанскиот селектор Роберто Манчини пред вечерашниот дуел на неговата репрезентација против Шпанија, во рамките од полуфиналето на ЕУРО, изјави дека властите во Британија воопшто не се фер и коректни што не дозволија странски навивачи на трибините на Вембли.
Имено, властите на Островот, стриктно забранија влез на гостински навивачи, со оглед на ковид мерките, а од друга страна за домашните навивачи дозволи целосна слобода.
Па така, на дуелот Италија – Шпанија, нема да има ниту еден навивач на двете репрезентации туку трибините ќе бидат исполнети со англичани.
„Искрено, ова не е фер од страна на Британците. Ние сме подобри кога играме пред голем број на наши навивачи, и тоа е добро за фудбалот. Мислам дека е крајно некоректно што половина стадион вечер нема да биде исполнет со Италијани, а другата половина со Шпанци“ – изјави Манчини.
