Утре во второто полуфинале на Еуро 2020, Англија е пред голем предизвик. На домашен терен, „Трите лава“ се среќаваат со Данска во меч во кој многумина ги сметаат за апсолутни фаворити. Сепак, селекторот на Англичаните, Герет Саутгејт, упати предупредување до фудбалерите, но и до навивачите.
„Данска еднаш го освои Европското првенство, така што тие имаат подобар скор од нас и мислам дека луѓето во Англија го заборавија тоа. Никогаш во нашата историја не сме стигнале до финале, па затоа ова е одлична можност за нашите играчи да влезат во историјата“, потсети Саутгејт.
Утре на „Вембли“ Англија ќе ја има огромната поддршка од навивачите, затоа што ретки ќе бидат тие кои ќе навиваат за Данска.
