Се сеќавате на Џоел Кемпбел? Се работи за крилниот напаѓач кој за Арсенал дебитираше во 2011 година и остави добар впечаток. Сметаа дека има потенцијал да биде главен играч кај „топчиите“ но како одминуваше времето се покажа дека тоа не е така.
По пристигнувањето на „Емирати“ поради проблеми со работната дозвола, Кемпбел беше позајмнуван во Лориен, па во Бетис, па Олимпијакос, за конечно пред почетокот на сезоната 2014/15 Арсен Венгер да го стави на списокот на играчи за таа сезона. Меѓутоа набргу падна во сенка на тогашните играчи Санчез, Подолски, па Окслејд-Чембрлејн, па мораше на нова позајмица.
Отиде во Виљареал, па Спортинг Лисабон, па уште еднаш во Бетис, па во италијанскиот Фросиноне, па реши да ја напушти Европа и да отиде во Америка. Играше прво за Леон од Мексико, а сега направи трансфер во друг мексикански клуб – Монтереј.
Монтереј е петкратен мексикански шампион и трикратен освојувач на Купот. За Кемпбел ова е 11-ти различен клуб во кариерата. Можеби ќе се снајде и ќе остане подолго време.
Инаку Кемпбел е репрезентативец на Костарика, беше дел од селекцијата на СП 2014 и на СП 2018. Играше и на Голд Купот 2017, како и на Копа Америка 2011.
