Фудбалската репрезентацијата на Унгарија ќе одигра два натпревари на домашен терен без публика поради дискриминаторско однесување на навивачите на тимот за време на Еуро 2020, објави УЕФА.
Одлуката на дисциплинската комисија е донесена по натпреварите од групната фаза на Еуро 2020 со репрезентациите на Португалија, Франција и Германија. Казната се однесува и на трет натпревар, но сепак е условена со пробен период од две години. Исто така, Унгарската фудбалска федерација беше казнета со 100.000 евра, а ќе мора да постави транспарент со зборовите #EqualGame и лого на УЕФА.
Унгарскиот премиер Виктор Орбан ја откажа посетата на натпреварот од 3. коло од групната фаза на Европското првенство Германија – Унгарија.
