Првиот човек на УЕФА Александар Чеферин не е задоволен како изгледаше ЕУРО 2020, со оглед дека се играше по целиот континент. И како што најави првиот човек на европската куќа на фудбалот, повеќе нема да се повтори.
Чеферин кажа дека концептот шампионатот да се игра во 12 градови низ цела Европа, е целосно промашување, а донесе фрустрации за некои репрезентации кои мораа да патуваат повеќе, за разлика од некои (Англија) која само „тркна“ до Рим, и сите мечеви ги одигра на Вембли.
„Ако се прашувам, во иднина нема да поддржам ваков концепт. Мислам дека е премногу напорен, некоректен кон некои репрезентации кои мораа да патуваат и по 10 илјади километри, а други минаа само 1000“, рече Чеферин.
Тој додаде дека и за навивачите било мака.
„Не е фер ниту кон навивачите. Некои мораa да бидат во Рим, па после неколку дена во Баку, до каде се лета пет часа. Така што претежок е овој концепт. Интересен како идеја, но мислам дека вакво ЕП веќе нема да гледаме“, рече Словенецот.
