Арсенал сака одново да тргне кон врвот на Премер-лигата. За ова се потребни квалитетни засилувања, но ангажманот на истите засега оди тешко.
Челниците на клубот се обиделе да го донесат Серхио Рамос, но легендарниот шпански дефанзивец потпиша за ПСЖ. Овој фудбалер не сакал да дојде во тим кој не игра Лига на шампиони, иако на маса имал далеку попримамлива понуда од Париз.
Арсенал на шпанскиот дефанзивец му нудел дури 17 милиони евра по сезона. Но, ја одбил таа понуда и потпиша двегодишен договор со ПСЖ вреден 12 милиони евра по сезона.
Исто така неуспешен обид имале со Мануел Локатели. И овој фудбалер сака да игра за клуб кој ќе се натпреварува во Лигата на шампиони, и најверојатно својата кариера ќе ја продолжи во Јувентус, но неофицијално има уште неколку понуди од Премиер-лига.
