Медиумите во Англија во последните неколку дена имаат само една тема. Не е тешко да се погодои – ЕУРО 2020 и пресметката на репрезентација на оваа земја во финалето против Италија.
Вечерва ќе биде вистински празник на фудбалот, а англиските фубалери ќе имаат шанса за првпат од 1966 година да го освојат трофејот. И Владата на оваа земја е на нозе.
Репрезентативците на Англија доби дури и писмо од кралицата Елизабета II. Таа се присети пред 55 години кога на Бобу Мур му го дала пехарот од СП.
„Историјата не само што ќе го памети вашиот усоех, туку и вашиот дух, преданост и гордост“, стои во писмото на кралицата до Саутгејт.
Во Лондон веќе е вистинско лудило, навивачите тргнаа кон „Вембли“ и тоа на четири часа пред почетокот на финалето.
